كل ما تريد معرفته عن الزبادي بالليمون و الاشاعات عنه
كل ما تريد معرفته عن الزبادي بالليمون و الاشاعات عنه
اتشهر جدا موضوع وجبة الزبادي باللمون على النت فى جوجل مجرد ما تكتب زبادي تلاقي الزبادي بالليمون طيب بما ان الموضوع بقى مشهور اوى كده جورنا و لقينا المقال اللطيف ده و نشرناه على حياة احسن .. :) قراءة ممتعة ....
نبدأ بالجانب الإيجابي، نشرت المجلة الدولية للبدانة دراسة عن حالتين، ناس بيتبعوا نظام غذائي او دايت واحد بيحنوى علي زبادى خالي الدسم بصفة يومية و التانين ناس بيعتمدوا غلى نظام لا يحتوي علي زبادي، و كانت النتيجة إن الحالة التي تتبع النظام الذي فيه زبادي فقدت نسبة أكبر من الدهون، و أكدت الدراسة دى ان الزبادي بيساعدعلي الحفاظ على الكتله عضلية اللى فى الجسم و يعلي نسبة حرق السعرات.
و الجانب الايجابي بالنسبة للحمضيات و اللمون بشكل خاص، أن له أثر كبير في إزالة السموم من الجسم و يساعد الكبد في إزالة السموم من مجري الدم، و أيضا هو مصدر مهم لفيتامين C، أحد مضادت الأكسدة القوية اللى بتحمى الخلايا و بتساعد علي تجددها و التئام الجروح.
طيب هل دا معناه انى اكتر من اكل الزبادى؟
لأ عشان فيه مرض بيجى لما الشخص بيوزد في تناول منتجات الألبان أو المكملات الغذائية التي تحتوي علي الكالسيوم. و بالإضافة إن اللمون بيأثر علي مينا الاسنان وكتره ممكن يؤدي لتسوس، و أكدت علي الكلام دا الدكتورة دعاء فنون حاصلة على الدكتوراه في علم التغذية لمرضى السرطان في مؤتمر الشرق الأوسط السنوي.
و بعد البيانات و الأبحاث دي ممكن تكونوا لسة متلخبطين، و عشان كدة هلخصهالكم في النقاط التالية:
1-كل الأدلة و الأبحاث الموجودة عن فائدة الزبادي لوحده و اللمون لوحوده، مفيش حاجة موجودة عن فائدة الاتنين مع بعض. يعنى من الاخر الكلام دا اشاعه مش مثبته
2-مهم جدا إن يكون في زبادي و منتجات ألبان في نظامك الغذائي، بس ميزدش عن 3 كوبيات يوميا.
3-بلاش المكملات الغذائية اللى بتحوى علي كالسيوم دون الرجوع إلي طبيبك.
4-تابع سنانك لو بتشرب أو بتأكل لمون و حمضيات بصفة يومية، .
5-خليك دايماً فاكر إن أنجح نظام غذائي لإنقاص الوزن بيكون عن طريق تقليل السعرات الحرارية بطريقة متوازنه تضمن كمية كافية من الفيتامينات والمعادن عشان عمليات التمثيل الغذائي في الجسم. مفيش حبوب سحرية ولا حاجة.
6-عندما تغلي اللمون أو تضيفه إلي مياه ساخنة، فإنك تدمر فيتامين C الموجود، فشربه بدرجة حرارة الغرفة مناسب للاحتفاظ بالفيتامين.
و في النهاية أرجو أن أكون قدمت إجابة واضحة للسؤال الذي بدأت بيه الموضوع
منقول
تعليقات